Gaia

Ég vil hugsa um þig, þú hugsar um mig, Alla hina einnig, Höldum veislunni gangandi, þig ég bið að hugsa um mig því ég vil hugsa um þig, við tengjumst þannig, Verum öll góð við móðurskipið. Engin takmörk á því sem að við tvö saman getum gert, Engin leyndarmál okkar á milli, samband okkar er bert. Get sagt þér allt, þú dæmir mig ekki þó dóni sé En leitt er að sjá hversu margir af þér vilja græða fé Sem bitnar á röngum aðilum, þeim sem enginn hlustar á. Kæri jafningi, þú sem vilt græða, viltu ekki hugsa smá Um framtíðina, börnin okkar eftir þúsund ár? Já, sjáðu, við erum ekki ein, heimurinn er stór og þú ert smár Og þó að þú sért klár erum við bara börn hér, þú og ég og líka öll þessi peningaöfl hér, Bara rétt byrjuð að skríða Svo lifum vel og lengi á meðan það er sól og blíða. Ég vil hugsa um þig, þú hugsar um mig, Alla hina einnig, Höldum veislunni gangandi, þig ég bið að hugsa um mig því ég vil hugsa um þig, við tengjumst þannig, Verum öll góð við móðurskipið. Því ef við klúðrum þessu hvert förum við þá? Getur þú sagt mér það? En ef við klúðrum þessu hvert förum við þá? Hvernig förum við á annan stað? En stundum veit maður ekki hvað maður á þar til glatað er. Stundum þarf að hverfa smá og fá sér jarðarber, Njóta lífsins með fólkinu sem þú elskar mest, Sleppa áhyggjum og brosa, þannig munt þú eldast best. Ég reyndi að hverfa á brott til að sjá þig með þessum augum sem Geta ekki litið af þér, nú er heimurinn fullur af haugum sem Vilja eyðileggja þig til að sjá gróða En við getum ekki boðið þér fleiri sóða því þú ert paradís sem hefur þurft að þola margt. Við erum gestir þínir, ætlum ekki að eyðileggja meira ofan á allt. Þetta er ástarlag til þín, jörðin mín fríða, Lif vel og lengi á meðan það er sól og blíða. Ég vil hugsa um þig, þú hugsar um mig, Alla hina einnig, Höldum veislunni gangandi, þig ég bið að hugsa um mig því ég vil hugsa um þig, við tengjumst þannig, Verum öll góð við móðurskipið. Því ef við klúðrum þessu hvert förum við þá? Getur þú sagt mér það? Ef við klúðrum þessu hvert förum við þá? Hvernig förum við á annan stað?