D'Finger sanft übers Gnack streichln gspürn,
Ganz stad sei, a Raupn an am Bladl knabbern hearn,
I kitzl eich aus bis eich vor Lacha fast zreißt,
I wach dafür auf weil mi wer in'd Nosn beißt.
In a sonnawarme Tomatn neibeißn,
A Kugl Schokoeis im Gsicht verteiln und sich nix dabei scheißn,
Wenn da Fuchs da war, neie Henna kafa,
Mit de nackatn Haxn übern Waxnacker lafa.
I bin so froh dass i leb,
I bin so froh dass eich gibt,
I bin so froh um jedn Dog den i mit eich hob,
Weil i's Lem so mog.
Zwoa Schmetterling zuaschaun wias in der Luft rumdanzn,
Am Kanapee flacka mitm voigfressna Ranzn,
A koide Russnmaß an am hoaßn Sommerdog,
Und a boa Leid um mi rum de i mog.
I bin so froh dass i leb,
I bin so froh dass eich gibt,
I bin so froh um jedn Dog den i mit eich hob,
Weil i's Lem so mog.
I bin so froh dass i leb,
I bin so froh dass eich gibt,
I bin so froh um jedn Dog den i mit eich hob,
Weil i's Lem so mog.
S'guade Gfui hom dass ma überhaupt nix versamt,
Dass auf da ganzn Welt nix gibt was wichtiger sei kannt,
Mi zu dir himuckln wenn's draußn stürmt und schneit,
Und hoffa und betn dass des no lang a so bleibt.
I bin so froh dass i leb,
I bin so froh dass eich gibt,
I bin so froh um jedn Dog den i mit eich hob,
Weil i's Lem so mog.
I bin so froh dass i leb,
I bin so froh dass eich gibt,
I bin so froh um jedn Dog den i mit eich hob,
Weil i's Lem so mog.
