Ég er með gróðurhús í garðinum
þar sem ég ætla að rækta mig
Þarf að reyta burt allt illgresið
Sem ég finn mig flækta við
Verð að bleyta upp í moldinni
þegar hún verður þurr
Færa mig úr stað
Ef ég hef staðið of lengi kjurr
Gróðurhúsið hefur glerveggi
í gegnum þá sólin skín
Geislum sem að eiga að næra mig
Og skýra mína sýn
En þegar sólin felur sig
Lengi á bakvið ský
þarf ég að fara burt
En ég alltaf til baka sný
Í þessu gróðurhúsi
Er bara pláss fyrir mig
Veit ég dafna betur
Ef að enginn er mér við hlið
Ég er með gróðurhús í garðinum
Þar sem ég ætla að rækta mig
Ég er með gróðurhús í garðinum
Þar sem ég ætla að rækta mig
Höf. Steinunn Jonsdottir
