Fi Baladna (feat. Rasha El Sharnouby)

بصبح ع اللي نايم وأصبح ع اللي فايق وأصبح ع اللي بياكل ساندويتش وهو سايق بصبح ع اللي واقف في الإشارة واللي بيلعبوا كورة قدام العمارة بصبح ع اللي لسه مروح واللي قايم من سريره بيطوح بصبح وأمسي على كل شوارع مصر بنفسي بصبح ع اللي متابع الرادار واللي بيرغي مع صاحبه في حوار بصبح ع اللي الشغل جايب آخره واللي واقف أول المحور وأخره بصبح على المزنوقين في الدائري والرماية والحسين بصبح ع اللي متأخر ساعتين صباح الفل على كل المصريين الصبح بدري بيبتدي بأغاني سوما في الحسين وفطور وشاي مع ضحكتين وقاعدة مع ناس طيبين ريحة الشوارع والحواري لما يلمسها الندى والشمس بتفتح عينيها علشان نهار بكره ابتدى الصبح بدري بيبتدي بأغاني سوما في الحسين وفطور وشاي مع ضحكتين وقاعدة مع ناس طيبين ريحة الشوارع والحواري لما يلمسها الندى والشمس بتفتح عينيها علشان نهار بكره ابتدى مية مسا ع الجدعان الكويسة الليل طويل وكل الناس متحمسة بمسي ع اللي يومه لسه بيدأ رايح على شغلك ولا ناوي تحلق بمسي ع العسكري اللي واقف في الظلمة بمسي على شوارعنا لمبة لمبة بمسي ع اللي قاعدة في البلكونة مع جارتها بتجيب في سيرة دولا بمسي ع اللي بيفسح عياله واللي منامش بيخطط في أحلامه بمسي ع اللي عند الكشك قاعد يفتي بمسي على كل رجالة منطقتي بمسي على كل زملكاوي وأهلاوي ولمة الصحاب أخر الليل ع القهاوي بمسي على كل اللي صاحيين مساء الفل على كل المصريين بليل صحابك لمتك ضحكك هزاراك وسطهم في بلدنا حاجة خلتك تحبها وتحبهم جوة البيوت هتلاقي كل اللي أنت عيشته واللي فات أيام زمان وسط الآمان وطفولة كلها ذكريات بليل صحابك لمتك ضحكك هزراك وسطهم في بلدنا حاجة خلتك تحبها وتحبهم جوه البيوت هتلاقي كل اللي أنت عيشته واللي فات أيام زمان وسط الآمان وطفولة كلها ذكريات