Lambing

Hayaan mong Ako'y maligaw Sa iyong tingin Hayaan mong ika'y tabihan Sa'yong pighati Hahagkan upang gumaan Ang bigat sa'yong dibdib Damhin mo ang Aking pagyakap Sa'yong tinatagong pangarap Damhin mo ang Aking halik Sa'yong nakakabighaning isip Sa'yo ako'y handang tumaya ng panghabang buhay Ikaw lang ang tanging nagparamdam sa buhay ko ng kulay Sa kabila ng kaguluhan, Ikaw ang aking kanlungan Laging nandiyan kung kailangan O, paano kita 'pagpapalit? Walang ibang mas kukulit Mas nakaka-inis Mas nakakangitngit sa'yo Damhin mo ang aking pagyakap Sa'yong tinatagong pangarap Damhin mo ang aking halik Sa'yong nakakabighaning isip Ayoko nang matakot sa dilim Sa mga taong may balak na maitim Sa salamin Pag-ibig Mo lang ang isasalamin Aalamin ang ibig Mong sabihin Ikaw lang ang didinggin Gusto kong ipagsigawan sa daigdig 'Di ko kailangang maghanap buhay—hindi 'Pagka't ang buhay Sa'yo'y 'di kailangang hanapin o hingin Ito'y kailangan lamang tanggapin Ayoko nang matakot sa dilim "Magkaro'n ng liwanag," Ako'y bihagin Sa'yong lambing Ang liwanag Mo sa'kin at ang mundong madilim Paghiwalayin Gawing kaaya-aya Sa'yong paningin Hingahan Mo pa ako ng buhay Ang Salita Mo lamang ang hihingahin Sa'yong pahingahan ako'y 'Yong dalhin Sa'yong tabi ako'y 'Yong pagpahingahin Kunin Mo lahat ng pagod ko't lungkot Ako'y hilahin Lahat ng paghihirap ko na'y kunin Para sa pag dating ng aking paghihimlay Mawawala na ang aking pagkatamlay Matatapos na ang aking paghihintay Ang pagkatao ko lamang ang mamamatay Kaya't sabay sabay magdiwang nang walang humpay Dahil sa piling Mo nga'y Walang hanggan ang buhay 'Yan nga ang pinangako Mong tagumpay At sa pangako Mo nga'y ako'y dadantay Dahil sa lahat nang nangako Ikaw lang ang hindi sumablay At habang hindi pa dumarating Ang araw Mong itinakda'y hihintayin Ang pag-ibig Mo nga'y hindi na ililihim Ayoko nang matakot sa dilim