Malinconico autunno

Erano verde, erano verde 'e ffrónne

E mo, so' cómme 'e suónne perdute

E mo, sóngo ricòrde 'ngiallute

Dint'a chést'aria 'e làcreme

'E sto' guardanno

Cu 'o viénto se ne vanno

Pe nun turná maje cchiù

Malinconico autunno

Staje facènno cadé

Tutt'e ffrónne d'o munno

Sulamènte pe mme

Chi m'ha lassato pe nun turná

Chissà che pènza, chissà che fa'

Ammóre mio, nun so' stat'io

Si' stato tu, pecché? Pecché?

Malincònico autunno

Staje chiagnènno cu me

Tutt'e ffronne d'o munno

Staje facènno cadé

Dint'a 'sta villa, l'aspètto fin'â séra

Vicino a 'sta ringhiéra, penzanno

A 'e ccòse ca dicéva giuranno

Me pare ancòra 'e sèntere

"Si' 'a vita mia

'Sta vita che sarría

S'io nun tenésse a tte?"

Chi m'ha lassato pe nun turná

Chissà che pènza, chissà che fa'

Ammóre mio, nun so' stat'io

Si' stato tu, pecché? Pecché?

Malincònico autunno

A chest'òra addo' sta?

Malincònico autunno

I' l'aspètto, sto' ccà