Die wo nid chönd Tschutte

Di einte die sind Künschtler und sind meischtens gäg's Syschtem Di andre werded Lehrer will das isch grad so bequäm Di einte nämed Droge und die andre bliibed clean Di einte nämed Zucker und di andre Assugrin Di einte die händ Heiweh nachem Schoggi und em Wii Di andre wänd am liebschte gar nümm heicho Das isch scho immer so gsi und s'wird immer eso sii S'git niemer wo dir säge chan wieso Und die wo nid chönd tschutte, die mached e Band De einti hätt e Glatze und au irgendwie en Knall De anderi cha nüt defür will er hätt Haarusfall De einti isch en Ängel und sin Nachber Antichrischt Und die wo kä Kollege händ, die werded Polizischt Di Rächte schlönd di Lingge und di Lingge schlönd di Rächte Und beidi trinked s'gliichi warmi Bier Di einte bsetzed Hüser und di andre rüered Schtei Und keine weiss für was er demonschtriert Und die wo nid chönd tschutte, die mached e Band So mänge Bankdiräkter wäri gern mal Husabwart So mänge Abwart gern mal mit me BMW am Schtart Mir schpiled eus de Arsch ab inre miise chliine Bar Di andre gönd zum Fernseh und im Nu sind's Superschtar S'git dieses und s'git jenes und vo jedem s'Gägeteil Und jede mues en eigni Meinig ha Di einte finded's scheisse und di andre finded's geil Und keine chan de anderi verschtah Und die wo nid chönd tschutte Ja die wo nid chönd tschutte Ja die wo nid chönd tschutte, die mached e Band Die mached e Band Die mached e Band Mached e - Band