album cover

ทูลพระขวัญไท้คืนนคร (feat. พิมพ์ พรทิพย์)

793Country2026
album cover
ทูลพระขวัญไท้คืนนคร (feat. พิมพ์ พรทิพย์) was released on January 7, 2026 by Sound Thai Channel as a part of the album ทูลพระขวัญไท้คืนนคร (feat. พิมพ์ พรทิพย์) - EP
BPM133
Melodicness
Acousticness
Valence
Danceability
Energy

Lyrics

บัดนี้ จักสิไขกล่าวกลอน เวสสันดรก่อนเค้า พุ่นเย้อ เว้าเถิงทรงเพียรสร้าง มหาทานบารมี นั่นนา
กัณหา ชาลี พร้อมมัทรีนาง เพียรธรรมได้ อยู่ในป่า พุ่นแหล่ว ย่อนว่าทานคชาแก้ว พระบิดา เพิ่นขับไล่
เหลียวไปทางเวลาผ่าน ช้างที่ทานได้คืนเมอ พระเวสสันดร นั้นเย้อ คุณาเน้อ ล้นหลั่ง แท่ได๋
จักแต่งขัน น้อมขมา ให้ลาเรื่อง เคืองอันใด นั่นนา พลช้างม้า ไพร่พราห์มเข้า ทูลองค์เจ้าคืนเมือง
เวสสันดรคืนบ้าน นครกัณฑ์ ชาติพุทธา เสียงแซ่ซร้องเทวา ทั้งชั้นฟ้า ฮ่วนก้อง นั่นเด
สลองเมือง เกียมกั้ง เศวตตั้งต่อองค์ไท้ สีพีเมืองประโคมไป เถิงชั้นฟ้า เทวาเจ้า
เทศน์แหล่
บัดนี้ กล่าวเถิงองค์พระเวสเจ้าต้านฮับคำวอน ว่าแล้วจรคืนเมือสู่สีพีกว้าง
ปวงไพร่ฟ้าชาวประชาซมซื่น ยอยื่นน้อมแซซ้องกล่อมไพร
เสียงแคนไค้ระนาดซอคลอปี่ บางพ่องตีต่อยต้องกล้องฆ้องแห่แหน
บางพ่องแพนมือฟ้อน ตาออนซอนย้อนเข้าใส่ แพร สไบเบี่ยงบ้าย หงายคว่ำฮ่วมขบวน
นครกัณฑ์นั้นล้วนมี 48 พระคาถา เทศนาสาธกยกมามีความย้อน
มหาเวสสันดรเจ้าได้คืนเมืองเบื้องบ่อน สีพีราษฎร์นคร ขอเชิญองค์พระเวสเจ้าดอกมาเข้า แม่นนั่งโฮง..นั่นล่ะนา
เชิญมาเย้อ…
บทสู่ขวัญหลวง
ศรีๆ สิทธิพระพร บวรแว่นวิเศษ วันนี้เป็นวันดี ขวัญเจ้าหนีไปให้เข้ามาสู่บ้าน อยู่เนื้ออุ่นคิงควน 30ข่วน… เจ้าไปอยู่ดอมเสื่อขอให้มา ขวัญหนึ่งผีปลอมเสี่ยงเอาไป ก็ให้คืนมา ขวัญเกนซ้างเกนเก่า ก็ให้คืนมา ขวัญหูตาไปอยู่ดอมนา ก็ให้คืนมา ขวัญคิ้วปากไปอยู่ดอมแถนก็ให้คืนมา… ขวัญหูตา ไปอยู่ดอมแลน ในซุ่ง ก็ให้คืนมา ขวัญไปอยู่เหวหุ่ง ก็ให้คืนมา ขวัญไปอยู่ในมุ้งสองดาง ก็ให้คืนมามื้อนี้วันนี้ ข่อยจักเชิญเอาขวัญตีนมือ ไปเที่ยวเล่นก็ให้คืนมา ขวัญขันธาทั้ง5 ก็ให้คืนมามื้อนี้ วันนี้ ขวัญหัวไปอยู่พุ่น เถื่อนซ้าง ก็ให้คืนมา ขวัญหัวไปอยู่ดอมเงือกสองหาง ก็ให้คืนมา ขวัญหัวไปอยู่ดอมนางนาค 4หัว หาง 9ก็ให้คืนมา มื่อนี้วันนี้ ว่ามาเยอขวัญเอยยยย…. ขวัญเจ้ามาฮอดแล้วให้เจ้าอยู่สวัสสะดีมีสีใสบ่เซา ตาต่อเท้าหาพันพระวรรษา กอข้าเทอญ อายุวันโนสุขัง พะลัง สัพพะพุทธานุภาเวนะ สัพพะธัมมานุภาเลนะ สัพพะสังฆานุภาเวน สะทา โสตถี พะวันตุเต ท่อนถวยแคน
บายศรีแต่งเอิ้นขวัญคืนมา วอนเทวา ลงมายังแดนโลก
โฮมถวายตุ้มพร เวสสันดรกษัตรา ทั้งกัณหา ชาลี มัทรี ที่คืนเหย้า
ต้อมเอาบายศรีแก้ว ตบแต่งแล้วมาบูชา เอิ้นขวัญมาอยู่ยังกายา อย่าห่างคิง
ขวัญเจ้าอยู่แห่งใด มาเด้อลูกแต่งไว้หมดทุกสิ่ง คืนมาเมืองสีพีสาเดอขวัญเอย
บริสุทธิ์เฮืองฮอง พานใบตองแต่งใหม่ ขวัญอยู่ไส เชิญเยอ มาอยู่เทิงพานบายศรี
ข้าวขวัญแก้ว ตบแต่งแล้วดอมดาดี สายสิญจน์นี้ ให้ครองคุมคิง ปกป้องโภยภัย
มาเยอขวัญเย้อ ขวัญเจ้าเอยมาเยอ ขวัญบินไปไกลตก ย่อนชูชกเอาไม้ไล่ตี
เสือนอนขวางไว้ ขวัญตกใจเจิดหนี ให้เจ้าคืนมาเยอ มาอยู่คิงเจ้า
บายศรีแต่งเอิ้นขวัญนานมา สักเคฯ เชิญเทวามาแดนโลก
มาตุ้มโฮมถวาย มหาพรชัยให้โลกา ด้วยฤทธาในบายศรีให้มีชัย
…ทุกสิ่งศักดิ์แดนใดให้มาตุ้ม…เชิญเด้อ….
Written by: ครู ข้างถนน

Shazam Footer

Select language:
Google Play Store
Apple App Store
Chrome Web Store
Galaxy Store

Follow Us

Loading...