Өнө Мөнх Орон

Та зүрхэнд мөнх

Тэв тэнүүн нутаг минь

Тэртээ алсад хөхрөх

Тэгш дүүрэн тэнгэр минь

Тэнгэрийн орон...

Та харцанд ч мөнх

Цэв цэнхэр нутаг минь

Цээжний гуниг арчих

Цэвэр ялдам салхи минь

Салхины орон ...

Та зүрхэнд ч мөнх харцанд мөнх Зүүдэнд ч мөнх...

Хүүгээ дуудсаар

Алсаас уулсаар даллан

Аниргүйхэн талаар даллана

Хүрээд ир аав шиг дуудан

Хүүг минь өршөө гэж ээж шиг хурайлнаа

ЭХ ОРОН ...(эх орон)

Та үргэлж мөнх

Энх саруул нутаг минь

Эвийн хайраар эвлэх

Ээжийн дүр шиг мөнх орон

Өнө мөнх орон өнө мөнх орон өнө мөнх орон ...(аа аа аа аа)