Ҡарағай урманында

Иҫеңдәме ямғыр яуҙы ҡарағай урманында

Юҡ яуманы йырланы ул бер икәү тураһында

   

Йырланы ямғыр,йырланы

Күңелдәрҙе нурланы

Иламһырап йыр тыңланы

Йәш ҡарағай урманы

Күңелдәргә һеңеп ҡалды

Моңдары шул миҙгелдең

Әллә ярһыу сағым ине иңдәремә түгелдең

Шул урманда яҡтырттың һин

Һүрелгән хистәремде

Һинең менән үтһәм ине

Ҡалған ғүмерҙәремде