Китмә Аҡҡошҡайым

Күл өҫтөндә яңғыҙ аҡҡош,

Был юғалтыу әллә табыш,

Уның тыны шундай таныш,

Йөрәгемдә яҡты һағыш.

Күл өҫтөндә яңғыҙ аҡҡош,

Саҡырһамда бирмәй тауыш,

Араларҙы бикләй ҡамыш,

Әллә рәнйеү, әллә ҡарғыш.

Күл өҫтөндә яңғыҙ аҡҡош,

Мөхәббәтем ғазап ҡатыш,

Һине ситкә илтә яҙмыш,

Әллә юрый, әллә яңлыш.

Китмә осоп, аҡҡошҡайым,

Һауышайыҡ табып яйын,

Мин бит доғо урынына,

Бер үк һүҙҙе ҡабатлайым.

Һин ҡояшым, минең айым.

Шаһит талдар,

Шаһит ҡайын,

Мин бүтәнде яратмайым.