أكثر من أول (لايف)

أكثر من أوّل أحبّك بس ما أبغي أقول

أخاف لو قلت تتغلّى عليّ مرّة

أنا بصراحة أحبّك حب مو معقول

أكبر دليل لغلاتك غيرتي مرّة

شف دمعتي لهفتي حتى العيون تقول

أحلى كلام أحفظه ويضيع من نظرة

لما تقول لي أحبّك التفت بذهول

ومن فرحتي فيك تخنق صوتي العبرة

لا غبت أحس الدقايق في الغياب تطول

وتشب في غيبتك وسط الحشى جمرة

كلّ البشر حبهم قطرة غلا وميول

وحبّك بحر وش تجي عند البحر قطرة

ما بالغ إن قلت وإن بالغت أنا المسؤول

فأنا أصدق إحساس في الدّنيا على فكرة