Баллы иреннәрең

Сине көтеп алулары -

Үзе бер шатлык миңа.

Гел янымда син булганга,

Бәхетлемен дә шуңа.

Баллы-баллы иреннәрең,

Татлы-татлы сүзләрең.

Гашыйк итте, гашыйк итте

Тирән дәрья күзләрең.

Мәхәббәт диеп янганда,

Сөеп-сөелер чаклар.

Сүнмәсен дә сүрелмәсен

Назлы кайнар кочаклар.

Сүзсез калып, тып-тын гына

Тыңла йөрәк тибешем.

Язмыш дигән дәрьяларда

Миңа тигән өлешем.