ស្តាយស្រី

ពេលរាត្រី រស្មីចន្ទច្បាស់ ចាំងស្រឡះ លើភពផែនដី ចិត្តខ្ញុំនឹកភ្នក ស្រែករកស្រស់ស្រី ដែលខ្ញុំបេតី ឥតបីភ្លេចឡើយណា សែនទុក្ខាចិន្ដាស្ម័គ្រ ជាប់ជំពាក់រាល់យប់ថ្ងៃ ធ្វើម្ដេចរៀមបាន ប្រាណមកថ្នមបី លួងលោមមេត្រី ឱ្យអស់ចិន្ដា ចន្ទយាងឆ្ងាយ ហាក់ឆ្ងាយឆោមស្រី ឆ្ងាយសម្ដី ដែលធ្លាប់ចរចា ឃ្លាតភក្រ្តផូរផង់ ដូចវង់ចន្ទ្រា យាងចាកមេឃា ដែលជាទីជម្រក គ្មាននឹកភ្នក សោះឡើយណា សែនទុក្ខារាល់រាត្រី រៀមរែងស្រណោះ ព្រោះព្រាត់ពិសី សែនស្ដាយពេកក្រៃ ឥតបីភ្លេចឡើយណា ចន្ទយាងឆ្ងាយ ហាក់ឆ្ងាយឆោមស្រី ឆ្ងាយសម្ដី ដែលធ្លាប់ចរចា ឃ្លាតភក្រ្តផូរផង់ ដូចវង់ចន្ទ្រា យាងចាកមេឃា ដែលជាទីជម្រក គ្មាននឹកភ្នក សោះឡើយណា សែនទុក្ខារាល់រាត្រី រៀមរែងស្រណោះ ព្រោះព្រាត់ពិសី សែនស្ដាយពេកក្រៃ ឥតបីភ្លេចឡើយណា