អ្នកស្រែយល់ញតិ

រៀមបងបានជួបជួន មាសមេ

ហេតុពីបុព្វេ ពីព្រេងនាយ

តាមសូមជួបគ្នា ឯរៀងអាយ

ទើបបានជួបកាយ កែវជីវ៉ា

សូមស្រស់ស្រីស្ងួននួន ខ្លឹមចិត្ត

ស្រីអូនអាណិតចិត្ត រៀមរ៉ា

មេត្តាស្រស់ស្រី ហើបវាចា

ឱ្យទ្រូងរៀមរ៉ាបាន ធូរស្បើយ

រូបអូនកាយកើតមក ជាស្រី

សូមអ្នកប្រុសថ្លៃ កុំឆ្ងល់ឡើយ

អូននៅស្ងៀមហ្នឹង គួរដឹងហើយ

មិនបាច់ឆ្លងឆ្លើយ លសំដី

ពេលបងបានឮ ស្រីអូនឆ្លើយ

រៀមចង់កៀកកើយ រួមភិសម័យ

តែបើប្រុសព្រើល បានដល់ដៃ

គឺស្រស់ស្រីថ្លៃ លង់ខ្លោចផ្សា

រៀមរូបបងមួយមិន ខ្មៅចិត្ត

បងនេះគឺពិត មិនសាវា

ឱ្យជឿម្ដេចបាន ប្រុសសង្ហា

ចិត្តកាចឫស្យា ធ្វើបាបស្រី

ធ្វើម្ដេចរូបអូន ជាអ្នកស្រែ

ឯឪម៉ែអូន ក៏ក្រក្រី

ក្រែងគ្រួសារបង មិនបេតី

នាំឱ្យរូបស្រី លង់វេទនា

រឿងក្រីរឿងក្រ ឬ រឿងស្រែ

នេះគឺសុទ្ធតែ ឋានសួគ៌ា

ឱ្យតែចិត្តយើង ស្រុះស្រួលគ្នា

តស៊ូពុះពារ គង់យូរលង់

រីឯអ្នកស្រែ ចេះយល់ញាតិ

ដីមានជីជាតិ ជាងដីក្រុង

បងចេះបងយល់ ការក្រៅក្នុង

ធ្វើឱ្យអូនផុង លង់ចិន្តា

ធ្វើម្ដេចរូបអូន ជាអ្នកស្រែ

ឯឪម៉ែអូន ក៏ក្រក្រី

ក្រែងគ្រួសារបង មិនបេតី

នាំឱ្យរូបស្រី លង់វេទនា

រឿងក្រីរឿងក្រ ឬ រឿងស្រែ

នេះគឺសុទ្ធតែ ឋានសួគ៌ា

ឱ្យតែចិត្តយើង ស្រុះស្រួលគ្នា

តស៊ូពុះពារ គង់យូរលង់

រីឯអ្នកស្រែ ចេះយល់ញាតិ

ដីមានជីជាតិ ជាងដីក្រុង

បងចេះបងយល់ ការក្រៅក្នុង

ធ្វើឱ្យអូនផុង លង់ចិន្តា

ធ្វើឱ្យអូនផុង លង់ចិន្តា