អក្ខរាផ្ញើទៅស្រី

អក្ខរា សារស័ព្ទ រៀបរាប់ផ្ញើរទៅស្រី

ចងក្រងសម្តី ចារថ្មីតាមរឿងហេតុ

បើបានអានហើយ កុំបដិសេដ

សូមកែវសង្កេត សិនណានិមល

ស្តាប់អក្ខរា សារសម្តីថ្លៃអង្វរ

មិនមែន ភូតភរ វៀចវេរ ឧបាយកល

ពាក្យពិត ឥតល្អៀង នាងកុំឆ្ងល់

មិនដូចផ្លូវថ្នល់ បត់បែនបាន

ចិត្តរៀមមិនដូច ភូមរា ឬ

សុវណ្ណមច្ឆា និងហនុមាន

រួមរស់មួយគ្រា បោះបង់ចោលបាន

បោកប្រាណ ឱ្យព្រួយ រលួយដួងចិត្ត

អក្ខរា សារសូម រួមរ័ក្ស អ្នកថ្លើមថ្លៃ

រួមរស់ពិសម័យ ថ្នមបី អស់មួយជីវិត

ជឿចុះ មិនខុស ទេវរមិត្ត

ពាក្យពិតចិត្តស្មោះ លុះក្ស័យអឺយ

ចិត្តរៀមមិនដូច ភូមរា ឬ

សុវណ្ណមច្ឆានិងហនុមាន

រួមរស់មួយគ្រា បោះបង់ចោលបាន

បោកប្រាណ ឱ្យព្រួយ រលួយដួងចិត្ត

អក្ខរា សារសូម រួមរ័ក្ស អ្នកថ្លើមថ្លៃ

រួមរស់ពិសម័យ ថ្នមបី អស់មួយជីវិត

ជឿចុះ មិនខុស ទេវរមិត្ត

ពាក្យពិតចិត្តស្មោះ លុះក្ស័យអឺយ