يانعمة النسيان

يانعمة النسيان يارحمة الله

لولاك أنا عزاه وش كان سويت

لو أذكر اللي كان دقه وجـلّه

مـاكان سـاعة في حيـاتي تهنيت

لولا أسلي خـاطر جـاه علّه

وأرتاح لين أرسلت بعض التناهيت

لاضعت بالنسيان وقتى يدله

وليت ياوقت العنـا كيف عيت

خل الفكر يرتاح والقلب خـلّه

في غيمة النسـيان يلقى بها بيت

اسج بعض الوقت وماهو بكله

وأعود كني ماعن الحـال سجّيت

وأشوف كلش ثـابت في محلّـه

عن واقع الأيام ماكنّــــي أقفيـت

هذا ضحى شمسـي وهـذاك ظله

والليل رعشة سـاليات المواقيت