Yтеләсе үтелгән

Үтеләсе үтелгән.

Шушы мизгел кадерле,

Югалтмаек кадерне.

Бәхет-шатлык итеп яшик

Бер бирелгән гомерне.

Үтеләсе үтелгән,

Көтеләсе көтелгән.

Яшик бугенгесе белән,

Алдагысын кем белгән.

Һәр кеше үзен белсен,

Үз көнен үзе күрсен.

Алсу таңнар алып килгән

Матур көнгә сөенсен.

Уйлар уйлатып торсын,

Хыялларга чакырсын.

Җитәкләшеп атлый торган,

Юлыбыз якты булсын.