Tinderhecht

I foa auf da Mopettn mit ana zachn Lettn

I wü mi ned verspätn zu mein Tinder Date

Um Ochte muaß i durt sei und murgn wieda furt sei

Des warad ois ned so wauns kane Kinder hätt

Sie sogt sie is ned ane, die wos jede Banane

Die ihr üwan Weg rennt in ihr Obstschoin legt

Mit de Gschroppn rennts in Proda, jedes hot an ondan Voda

Doch des san Details, über des wird ned gredt

Ob Traumprinz oda Liebesknecht

Egal wosd wüst, i mochs da recht

I bin dei true love, für zwa, drei Nächt

Des wird garantiert ned schlecht

Meine Feelings, de san echt

Im Tinder-Teich find i mi zrecht, do bin i da Hecht

De Jaqui fünfunddreißig, schreibt ma täglich fleißig

Natürlich nur mit mir, dazöhts ma bei an Bier

Sie sogt sie wü nix Fixes, nur gern wos in da Bixn

So hüf i hoit wo i kau, und scho bin i bei ihr

Die Niki und die Vicky, die Kathi und die Ricky

De stengan übranaunda in mein Chatverlauf

I kum ned noch mim Tippn, wos san denn des fia Sittn

I wisch imma noch Rechts, weu meistns kummt nix Schlechts

Ob Traumprinz oda Liebesknecht

Egal wosd wüst, i mochs da recht

I bin dei true love, für zwa, drei Nächt

Des wird garantiert ned schlecht

Meine Feelings, de san echt

Im Tinder-Teich find i mi zrecht, do bin i da Hecht

I kauns goa ned glaubn, dass es sowas amoi gibt

In die Jenny neunundzwanzig hob i mi verliebt

Sie is a Tindarella, a woahre Tinder-Queen

Sie wischt no so vü schnölla, do kumm i nimma hin

Zur gleichen Zeit zehn Hawara hots in ihrem Chat

Und mindestens so vüle in ihrem Himmelbett

Jetzt gehts ma so richtig schlecht

Ihre feelings woan ned echt

Sie woa mei true love, für zwa, drei Nächt

I find des richtig ungerecht

I hob olle Trangln blecht

Gaunz egal, wen sie a mecht, sie angelt jeden Hecht