حكمة الايام (من مسلسل ريفو)

في نهاية كل رواية دايرة بتدور

جوة الرواية رواية مكتوبة بين السطور

عن بطل كان مغمور ومحدش فيه سائل

حلمه ما شافش النور لكنه مات بيحاول

في كلام جوايا ما اِتشرحش

كان نفسي أقوله بس الوقت ما سمحش

كان نفسي أكون معاكي وأدلك عالطريق

في ضهرك أفضل واقف وأكون ليكي صديق

ودي حكمة الأيام

أكون في حياتك بس ماليش مكان

بشوفك وتشوفيني في الخيال

الفراق قبل اللقا

ودي حكمة الأيام

أكون في حياتك بس ما ليش مكان

بشوفك وتشوفيني في الخيال

الفراق قبل اللقا

عيني جات في عينيكي مرة ومش هتفتكري

كنت في الدنيا تايه وكان لازم أجري

أنا لو وقفت أموت؛ بتطاردني الذكريات

عن أقرب ناس ليا اِتكتب علينا الفراق

ببعد علشان حبيتك وشُفت فيكي أمل

مفيش في الدنيا ليا يد ومفيش زمن

الساعة بتلف والشمس بتشرق كل يوم

لو النهارده مش يومنا يمكن بكرة يكون

ودي حكمة الأيام

أكون في حياتك بس ما ليش مكان

بشوفك وتشوفيني في الخيال

الفراق قبل اللقا

ودي حكمة الأيام

أكون في حياتك بس ماليش مكان

بشوفك وتشوفيني في الخيال

الفراق قبل اللقا