Fatra Wi Hatady

ليل اا عين يا ليل يالليل، يالليل يا عين (يا عين)

ليل اا عين يا ليل يالليل، يالليل، يالليل (يالليل)

ليل اا عين يا ليل يالليل، يالليل، ليل، ليلي، ليل

ليل اا عين يا ليل، يالليل، يا ليلي

عازف أورق يوسف بوشا

الصبر يا رب عشان والله تعبان مش قادر

والحمل عليا تقيل ومحدش فيا أنا سائل

للصبر حدود وأنا حيلي مهدود مش قادر أحاول

أنا حاطط إيدي على قلبي ودايماً مش متفائل

أنا بقنع نفسي إنها فتره وهتعدي وعادي

وإن مره زعلت بقول دي مجتش على المره دي

أنا طول ما أنا صاحي شريط أحزاني بيعدي قصادي

وكرهت النوم علشان بيجيلي كوابيس في منامي

أنا كل ملامحي بقت بهتانه

شكلي إتغير وعيوني دبلانه

محبوس في سريري أوضتي دي زنزانه

وأمي عليا بتبكي وزعلانه

ده أنا لسه أمبارح كنت صغير

وفي ثانيه إتقلب الحال وإتغير

وكبرت وكبر الهم معايا

نفسي أرجع تاني أضحك وأهزر

ده أنا لسه يدوب ببدأ في شبابي

وتشوفني تقول في آخر أيامي

كذا مره حاولت أداري أحزاني

بس الحزن دا باين في كلامي

طهقان من العيشه وكاره أيامي

وبرغم البعد وكسرة قلبي إنتي وحشتيني

ما أنكرش إنك بياعه وإن إنتي كسرتيني

بس أنا مبقتش بخير من يوم ما إنتي فارقتيني

كل لما بتيجي في بالي أنا بمسح في دموع عيني

بالصدفه قابلت صورتنا سرحت في أيام فاتت

إزاي أنا وإنتي بعدنا وإيدي لإيدك سابت

قلبي اتدمر من بعدك في حاجات جوايا ماتت

لو سيرتك جت قدامي بدمع وأفضل ساكت

لسه اللي ما بينا بيجي في بالي

وعايش على أمل إنك رجعالي

زعلان منك لكن وحشاني

إتمنى تكوني أصلا فاكراني

الدنيا في بعدك مش لازماني

أنا كل ما أعدي في نفس مكانا

وأفتكر الوعود اللي كانت بينا

بتدمع عيني وأزعل على حالنا

كان إيه اللي هيحصل لو كملنا

وبعدنا وجيبنا العيب في نصيبنا

أنا كل ما أبص لصوري زمان بتدمع عيني

زعلان عالضحكه اللي إتسرقت مني مع سنيني

وإشمعنا أنا يعني يا دنيا اللي مصممه تأذيني

معرفتش طول العمر أعمل لي صاحب يواسيني

الضحكه دي كذب أنا بضحك غلب

عشان مصعبش عليكوا

بكتم جوايا وأدراي

بحاول أبان مبسوط وسطيكوا

ده أنا لما وقعت وضاقت بيا

أنا شفت شماته في عنيكوا

وعرفت إن اللمه دي كذابه

محدش حبني فيكوا

يا عنيا كفايا ودي آخر دمعه

ويا قلبي الطيبه خلاص مش نافعه

ده احنا ما بين خلق واكلنها والعه

بيحسدوا اللي يموت فيها يوم جمعه

ياللي إنتوا عنيكوا بتحسد فيا

والنبي إحسدوني علي همي شويه

يمكن يخف شويه عليا

علشان بجد أنا طالعه عنيا

ليل اا عين يا ليل يالليل، يالليل اا عين (يا عين)

ليل اا عين يا ليل يالليل، يالليل، يالليل (يالليل)

ليل اا عين يا ليل يالليل، يالليل، ليل، ليلي، ليل

ليل اا عين يا ليل، يالليل، يا ليلي