თვალებში რომ დაგინთია ფოსფორი

მე ბოსფორი არასოდეს მინახავს

და არვიცი თაკარა მზის ალერსი

მაგრამ ეგებ ფერი შემოინახა

მაგ თვალებმა ლურჯი ოკეანესი

მაგრამ ეგებ ფერი შემოინახა

მაგ თვალებმა ლურჯი ოკეანესი

მე არც ბაღდათს გავყოლილვარ ქარავანს

არ მქონია დიბაყალამ ქარები

არც ზღაპრული მზეჭაბუკიც არავარ

მოფრენილი ღამის ნიავქარებით

არც ზღაპრული მზეჭაბუკიც არავარ

მოფრენილი ღამის ნიავქარებით

მე გარმონთან ღამე უნდა გავწურო

მთვარიანში ქანაობდეს ცირცელი

გამომყევი ჩრდილოელო ქალწულო

თუ საღამო გინდა ნახო ცისფერი

გამომყევი ჩრდილოელო ქალწულო

თუ საღამო გინდა ნახო ცისფერი

იქნებ შვებას ვეძებ ბედის მდევარი

სიჭაბუკე ასე რომ ვათარეშე

მოდი გითხრა თავის შესაქცევარი

ჩემს იდუმალ კოშკებიან მხარეზე

მოდი გითხრა თავის შესაქცევარი

ჩემს იდუმალ კოშკებიან მხარეზე

მანუგეშე მომირჩინე იარა

დამავიწყე გარმონის ხმა მკვნესარი

რომ ჩრდილოელ ქალწულისას კი არა

შენს სიყვარულს ვერ გავექცე ვერსაით

რომ ჩრდილოელ ქალწულისას კი არა

შენს სიყვარულს ვერ გავექცე ვერსაით

თუმც არასდროს მომივლია ბოსფორი

რად გავლიო ფიქრში ღამე უძილო

თვალებში რომ დაგინთია ფოსფორი

და ცისფერი ზღვა გიღელავს უძირო

თვალებში რომ დაგინთია ფოსფორი

და ცისფერი ზღვა გიღელავს უძირო