两人的代志

我愛你 三个字

我袂曉寫 嘛無一定有人通講出喙

長長的路 較早各行各人的

是彼一日 你笑微微出面

開始參詳 過日子

開始走傱 汗咧豉

開始會曉想 兩人的代誌

我的名字 你的名字

若念做伙 就有一款啥攏免驚的條直

咱自半暝堅持行到天光時

未來 敢會好天

你的一生 我的一生

攏咧準備 像這陣㒰款徛倚佇你身邊

有一款稀罕是只愛你一个

有一款幸福叫做我為你操煩

我愛你 三个字

我會曉寫 是因為你用性命來表示

長長的路 較早各行各人的

從今以後 有我陪你流浪

鬥陣拼 莫歕雞胿

鬥陣衝 夢上值錢

一世人是咱兩人的代誌

我的名字 你的名字

若寫做伙 就有一款袂當分開的牽絲

咱自半暝堅持行到天光時

未來 就一定會是好天

你的一生 我的一生

攏咧準備 像這陣㒰款手牽手徛佇遮

有一款夢想是為你掛手指

有一款應聲 叫做我

我願意