Ҡар Бөртөгө Булайым Микән

Аҡ ҡар булып яуайым микән һиңә

Иңдәреңә төшөп ҡунырға

Күҙҙәреңдән үбеп керпегеңә

Ынйыларҙай һиңә яуарға

Ҡар бөртөгө булайым микән һиңә?

Әйләнәйемме ап аҡ буранға?

Аҙаштырыр өсөн һөйөүемдә

Ҡайнар наҙҙарыма урарға

Ынйы ҡарҙар булайым микән һиңә

Сәстәреңде һинең биҙәргә?

Аҡ бурандар булып алыҫтарҙан

Сәләм биреп ҡулым иҙәргә

Ҡар бөртөгө булайым микән һиңә

Устарыңда иреп янырға?

Янырға ла ҡабат ҡарҙар булып

Ер өҫтөнә ҡабат яуырға