اجيك

اجيك و خاطري مكسور

ادور للكسر صرفة

و الاقي من العنا قلبك

يعاني من الألم مثلي

قدر مكتوب يوم احنا لقينا بعضنا صدفة

نشابه بعضنا و بالحيل جرحك صار يشبهلي

اجيك و راجي ب احضانك

في برد الليل ذا ادفى

و الاقي من الشتا قلبك

بدون احضان يلجأ لي

اعاني من قليل النوم

من جيتك عشان اغفى

لقيت من السهر عينك

تدور هالغفى قبلي

اقولك شي من الآخر

و يمكن قلبك يعرفه

انا بالحيل محتاجك

و احس انك مقدر لي

و اذا كان الكسر فيني

صعب القى له اي صرفة

انا مجبور في قربك

يا اجمل شي حاصل لي