Аманатымсың

Адамдар жұп боп жаралған

Адаспай табу ақ арман

Әрбір жанға, тағдыр жолда.

Жүрегім тулап теңіз боп

Өзіңді таптым көп іздеп

Маңдайдағы бақ жұлдызым.

Қыз жібектей көркемдігі

Күнекейдей еркелігі

Жүрегімнің ерке гүлі

Сен қанатымсың

Томиристей батылдығы

Нұриләдай ақыл нұры

Қабырғамдай жақындығы

Аманатымсың

Қуаныш, мұң келсе де

Жаным көктемім гүл берсе де

Жастықтан кәрілік кеп

Үлгерсе де!

Бақытқа тәнті етемін

Көзің білемін жарқ етерін

Сүюге сені ғана

Ант етемін

Тәңірім қосқан жұбым боп

Ақ көйлек кидің күлімдеп

Сенен барды аямаймын.

Қолымнан ұстап сеніммен

Жүрегің маған берілген

Дақ түсірмей аялаймын!