El Kazaoui

شمعة تذوب طفي اليوم وقت غروب

طالع للطيارة ونتفكرها وقت غروب

يسال فيا الديواني قتله رايح لاسطنبول

ماشي لغادي زيارة غير خليلي الباب محلول

حل التّاليفون اسأل ولد الخالة مراد

ما حاجتي بالأتراك طول طيّارة لبلقراد

طول طيّارة للأصراب مخ الهدرة حرب أعصاب

واستحفظ على الفلوس يجي الوقت تقول ما صاب

يسوني التاليفون طلبني صاحبي من لبلاد

قالي راك خليت بلاصة كل يوم وحشي ليك يزداد

الحومة ضربها لكساد زيد فكّرني الأيّامات

حلّيت الفايس بوك نلقى تصاوري في الستوريات

لميمة ما تبكيش باغي دعوة وقت الشدة

نظّفلي يا روحي سريري و خليلي لمخدّة

نبعد عليك مدة و نرجع مع الأيّام

وكي نرجع والله بودّة نحققلك الأحلام

عاد يحكي في بلغراد شفت عجب ما يصراش

وكي صار قدام عينيا وحق الله لا ما راش

طفّي الضو وما تبطاش هاك وليت تعرف ابليس

عكست بيّا لفلوس بعثلي قريبي من باريس

ما أخيبها دموعي وقتلي ما عندي الموني

ما اخيبها الضحكة كي تخرج مانيش بلعاني

ما اخيبها الدنيا كي تعطي للي ظلموني

والله يا ربي صحَة في الغربة خلوني

ما أخيبها دموعي وقتلي ما عندي الموني

ما اخيبها الضحكة كي تخرج مانيش بلعاني

ما اخيبها الدنيا كي تعطي للي ظلموني

والله يا ربي صحَة في الغربة خلوني

ابعث فلوسي للكزاوي

يزَيني من ركشة لقهاوي

تو الهربة هذا شناوي؟

هاذي ملخص لحكاوي

ابعث فلوسي للكزاوي

يزَيني من ركشة لقهاوي

تو الهربة هذا شناوي؟

هاذي ملخص لحكاوي

صغري خويا تعدّى لقمة لشيطان

لقمة ما تجيب فلوس قعدنا نعبو في الكيسان

شفيها كان قال فيلامان؟

شفيها كان طار مشى؟

شفيها كان شفنا نور طِرنا قبل ما يتلاشى

عاد قالي بقيت نلوّج وقتلّي طاح بيّا الليل

عدّيتها خمسة أيّام بلياليها في الوتيل

حتّى لقينا الكزاوي هات فلوسك لمخبين

واستنى الدور يجيك تو تعيش كيما العايشين

هاذيا أوّل مرّة نحسو فيها غياب الخو

في طريق صعيبة طول هاذي قبل حتى ما نجو

والله ميمة ما ننسو شدينا طريق الكار

ماشي للحدود هربة خويا جهار بهار

نتفرّج من الشباك نقول هاذي هي الجنّة

ملاّ حكاية فيك يا ڤيينا la suisse ملاّ

هاني جيت وما نرجع لبلاد الحِنّة

كان بالعطّ وهذايا خويا شنتمنًى

هاني جيت ونشكر لا مانغير ما نسمّي

واحد من النّاس وقفلي في الغربة بن عمّي

ما أحلاها الوقفة وقتلي تجيني من دمّي

وما أخيبها الغدرة كي نقسم معاك اللي في فمّي

تو المستقبل بعد ثنيّة الكزاوي

!والله ماندري وعلاش جيت وعلاش ناوي

تحيا لمّيمة اللي واستني في البلاوي

!وتحيا البابا اللي ربّى بالتايو الكاوي

ابعث فلوسي للكزاوي

يزَيني من ركشة لقهاوي

تو الهربة هذا شناوي؟

هاذي ملخص لحكاوي

ابعث فلوسي للكزاوي

يزَيني من ركشة لقهاوي

تو الهربة هذا شناوي؟

هاذي ملخص لحكاوي

هاذي ملخص لحكاوي

هاذي ملخص لحكاوي