Патав жен патал

Акур чlавуз ви ан дамах

Ачух жеда гьар са начах

Жез канда заз къайи булах

Ви пlузарриз темен патал

Ашукь я зун лацу пелен

Ви хал алай иер хъуьхъвен

Жез канда заз яр ви эхъен

Даим ви патав жен патал

Ипек ктин чlулав чlарар

Рикl шадардай ширин гафар

Жез канда заз михьи шагьвар

Ви чlарара къекъвен патал

Чи дагъларин вун са жейран

Жеч хьи иер икьван инсан

Жез канда заз са гъуьрчехъан

Ви гелера экъвен патал