制作
出演艺人
Shahon Seri
表演者
作曲和作词
Шаhаризат Сейдахмет
词曲作者
歌词
Заманда заман бұл заман
Пенденің пейілін ұрлаған
Біреудің тауын шақтырып
Біреудің нанын тарттырып
Диірменнің тасындай
Замана мынау зырлаған
Патша да өтті өмірден
Салдырған сарай ділдадан
Тазша да өтті өмірден
Өзегін өксік тырнаған
Байлар да өтті өмірден
Қолының кірін бұлдаған
Пайғамбар да өтті өмірден
Көңілін хақтан бұрмаған
Жан біткенге үлгі боп
Жәндікке залал қылмаған
Солардан қалған бес күнде
Ешкім де мәңгі тұрмаған
Сынаптай сырғып уақыт
Сыналып жатыр күллі адам
Нәпсі мен иман айқасып
Жақсы мен қатар жүр жаман
Бұл жалғанда не жаман
Жүрекке қатқан кір жаман
Шүкірлік етпей Аллаға
Күпірлік қылған құл жаман
Кәлимасын айта алмай
Харамнан жұртты қайтармай
Ғайбат пен өсек таратқан
Бейбаққа біткен тіл жаман
Қадірлі менің қандасым
Оянар ма екен санаңыз
Барыңды жүрсің базар қып
Арың мен тәнің алауыз
Жетімін жолда қалдырмай
Жесірін жауға алдырмай
Сүйекке таңба салдырмай
Үйреткен жоқ па бабамыз?!
Солардан қалған жас қауым
Тас бауыр болып барамыз
Анасын іздеп шарқ ұрған
Кім келсе соған талпынған
Жәутең көздерге толтырған
Жетімдер үйін қараңыз
Аспаннан олар түскен жоқ
Сізді де тапты анаңыз
Жастықта нәпсің тыймасаң
Қарттықта келмес шамаңыз
Көктемде қайрат қылмасаң
Қайғы боп келер қара күз
Бұл жалғанда не жаман
Ар сатып тапқан пұл жаман
Атаның жолын қумаған
Батасыз өскен ұл жаман
Қырық үйден тиылмай
Қырық мың жылқы қалың жиылмай
Шешеден алғыс бұйырмай
Жетесіз өскен қыз жаман
Written by: Шаhаризат Сейдахмет
