Илавий

Ойлат ты тӱняште шотлен от пытаре

Кажнын шке лӱмжӧ лиеш

Кушечын ом пале ончыкем толын лекте

«Илавий улам,» - тудо манеш.

Илавий, Илавий, Илавий

Лӱметым ойлем – пура вий.

Илавий, Илавий, Илавий

Тый улат мыланем илыш сий.

Паленам мые тыйым ужынам лач тӱсетым

Шуко гана омыштем

Вученам мые тыйым, каласен кертын омыл

Лийын гына ӱшанем

Илавий, Илавий, Илавий

Лӱметым ойлем – пура вий.

Илавий, Илавий, Илавий

Тый улат мыланем илыш сий.

Кидетым шуялте, кидышкем эплын пыште

Колат, шӱм семна лектеш?

Мыйын улат тый шӱдырем кас каваште

Тудым чон корныш луктеш.