歌词
Кетесе, кетесе узакъгъа, ой Джаным.
Бараса сен сыйлы къуллукъну этерге.
Сакъларма, сакъларма мен сени, ой Наным,
Сюймеклигими ала бар сен негерге.
Сакълагъандыла анала балаланы,
Сакълагъандыла егечле къарнашланы,
Сакълагъандыла сюйгенле солдатланы,
Бюгюн да ашыгъыб сакълайбыз биз аланы.
Билеме, билеме сен къуллукъ этерсе,
Махтау бла айтдырыб аскерде атынгы.
Не къыйынлыкъда да сатмазса, ой Наным,
Байракъны къатында сен берген антынгы.
Сакълагъандыла анала балаланы,
Сакълагъандыла егечле къарнашланы,
Сакълагъандыла сюйгенле солдатланы,
Бюгюн да ашыгъыб сакълайбыз биз аланы
Турурса, турурса сен чекде, ой Джаным,
Джерде айлянырса, учарса сен кёкде.
Къайда айлянсанг да айтырым Ой, Наным,
Тут сен да тенгинги унутмай эсингде.
Сакълагъандыла анала балаланы,
Сакълагъандыла егечле къарнашланы,
Сакълагъандыла сюйгенле солдатланы,
Бюгюн да ашыгъыб сакълайбыз биз аланы
Written by: Любовь Болурова, Медиха Шаманова
