កម្លោះស្រុកខ្មែរ

បិទភ្នែកបើកភ្នែកក៏ចូលឆ្នាំថ្មី

(បិទភ្នែកបើកភ្នែកក៏ចូលឆ្នាំថ្មី)

២០២៣ នៅតែតាមលួងស្រី (អូនខូចចិត្ត រឿងអី)

មុខមានមន្តស្នេហ៍តែអូនមិនបេតី

ហេតុអ្វីៗៗ

អូនថាបងស្ទាវពេកមិនសមនឹងរូបស្រី (មែនក៏អីៗ)

បងឈ្មោះវណ្ណថាននែកម្លោះស្រុកខ្មែរ

អ្នកស្រុកបងក៏គេថាឡូយដែរ

លេងភ្លេងខ្លាំងថាមិនបាច់ពាក់ចែ

ថែភ្លេងខ្មែរមិនខ្វះទេស្រីញ៉ែ

ចាប៉ីនៅមានខ្សែរតែបងអត់មានអូន

ចូលឆ្នាំខ្មែរអូនកុំមុខស្រពោន

កាន់ដៃបងហើយទៅមើលទីងមោង

អើយអូនហ្អើយ ខូចចិត្តព្រោះអ្នកណា

អើយអូនហ្អើយ ឮថាខូចចិត្តព្រោះវណ្ណដា

អើយអូនហ្អើយ ជារឿងធម្មតា

អើយៗៗ

កុំស្នេហ៍គេតែម្ខាង (អើយ)

បងស្ដាប់ខ្ញុំសិនរឿងនឹងវាបែបនេះ

នាងតាមខ្ញុំក្តិចមួលដូចទួរវីស

គេចពីនាង ខ្ញុំរត់ដូចល្បឿនអូទ្រីស

អើយរត់ហត់ពេកខ្ញុំហៅម៉ូតូឌុបជិះ

តាមអើយតាមអីក៏តាមយ៉ាងនេះ

នាងនិយាយច្រើនដូចម៉ាស៊ីនចាក់ឌីស

ចង់ទុកម៉ូតូចោលរត់ទៅហៅរម៉កជិះ

ស្ដាប់ខ្ញុំនិយាយតរឿងហេតុវាបែបនេះ

ខ្ញុំឈ្មោះវណ្ណដាកម្លោះស្រុកខ្មែរ

នៅស្រុកខ្ញុំក៏គេថាឡូយដែរ

ថ្ពាល់ខ្ញុំសងខាងម៉ាក់ថាមានប្រជ្រុយស្នេហ៍

ដូចជារៀងអេមដែរពេលដែលរ៉េបលើភ្លេងខ្មែរ

ចូលចិត្តតាមគេតែមិនចង់ឱ្យគេតាម

ហាមគេតែមិនចង់ឱ្យគេហាម

អត់ទាន់ដល់គូ ព្រោះមិនទាន់អាយុ ៣០

អត់គូសមុនគិតខ្លាចបេះដូងមានស្នាម

ឱ បងហ្អើយ ជាកំហុសអ្នកណា (ជាកំហុសអ្នកណា?)

ឱ បងហ្អើយៗ នាងនៅវ័យសិក្សា (នាងនៅរៀនទេបង)

តោះរៀនចប់សិនចាំនិយាយរឿងស្នេហ៍

ក្នុងចិត្តបងខ្លាចអូនធ្លាក់ប្រចាំខែ

កាលនៅរៀនក៏បងធ្លាប់ធ្លាក់ដែរ (ធ្លាក់អី)

ធ្លាក់ក្នុងអន្លង់ស្នេហ៍ចែៗ

ស្នេហ៍ច្រើនពេកចឺងបានរៀនមិនពូកែ

តែឥលូវគឺវាផ្សេង

វាសនាមើលមិនឃើញ

ខ្ញុំបានក្លាយជាអ្នកភ្លេង

អត់មានគេអញ្ជើញ

ឱ ពីមុនគឺពីមុន

ចាំពេលអូនក្រមុំ ចាំបងវិនិយោគទុន

អើយអូនហ្អើយ ខូចចិត្តព្រោះអ្នកណា

អើយអូនហ្អើយ ឮថាខូចចិត្តព្រោះវណ្ណដា

អើយអូនហ្អើយ ជារឿងធម្មតា

អើយៗៗ

កុំស្នេហ៍គេតែម្ខាង