könül

Ox çıxar yaydan gözəl

Qəlb olmasa, daşa dəyər

İnanma hər gözəl sözə

Hərlənib başa dəyər

Qədir-qiymət bilməyənin

Halımızı sormayanın

İtirib axtarmayanın

Gözü göz yaşa dəyər, yar

Nədən belə daşlaşmısan

Mənə gəlsin daşa gələn

Könlümlə yadlaşmısan

Ağıla birbaşa gələn

Üzüntüdən yox taqətim

Sıxıntıdan yox səadətim

Səni sevməkdir adətim

Çəkilər başa gələn, yar