ស្នេហ៍លើអាកាស

សូមជម្រាប សូមអស់លោកអ្នកនាង មេត្តាដាក់ខ្សែក្រវ៉ាត់

ហើយសូមកុំពិសារបារី

នៅវេលាយន្តហោះកំពុងបើកបរ

ក្នុងវេលានេះ

យើងកំពុងធ្វើដំណើរឆ្ពោះ ទៅកាន់ទីក្រុងបាត់ដំបង

កម្ពស់យន្តហោះ ដែលត្រូវហោះ

មាន ២៣០០ ម៉ែត្រ

លឿន ២៥០ គីឡូម៉ែត្រក្នុងមួយម៉ោង

យើងនឹងទៅដល់ទីក្រុងបាត់ដំបង

ក្នុងរវាងមួយម៉ោងទៀត

យើងខ្ញុំជូនភេសជ្ជៈ ដល់អស់លោកអ្នកនាង

ក្នុងពេលបន្តិចទៀតនេះ

សូមអរគុណ

អ៊ូយ! ល្អម្ល៉េះហ្ន៎ ល្អអឺយល្អ

ល្អអឺយល្អ នាងកិន្នរយន្តហោះនេះ

អ៊ូយ! សរសើខ្ញុំម្ល៉េះ សរសើម្ល៉េះ

សរសើម្ល៉េះ នែ៎!កុំចេះតែថានោះ

មែនណា ជីវ៉ាស្រស់អឺយសែនស្រស់

ក្នុងយន្តហោះ នាងស្រស់លើសគេ

ខ្ញុំចង់ មើល តែមុខនាងទេ

មើលយូរទៅ ខ្ញុំត្រូវតែសុំស្នេហ៍

ឱ!កែវមាសមេ អ្នកនាងកុំជេរខ្ញុំណា

អ៊ូយ! ចម្លែកម្ល៉េះទេ មិនចេះខ្មាសគេ

មិនចេះខ្មាសគេ មក! សុំស្នេហ៍លើអាកាស

អ៊ូយ! រឿងអីត្រូវខ្មាស ស្នេហាធំណាស់

ស្នេហាធំណាស់ ធំណាស់ណាជីវ៉ា

ក្ដីស្នេហ៍ គ្មានរើសកន្លែងទេណា

លើវេហាស៍ ក៏ដូចជាលើដី

កុំឃាត់ ចិត្តខ្ញុំណាស្រី

ខ្ញុំមិនហ៊ាន ឃាត់ទេចិត្តស្នេហ៍ប្រុសថ្លៃ

ចំណែកចិត្តស្រី

ស្រីឃាត់ចិត្តស្រី ម្នាក់ឯងទេ!

អ៊ូយ! ចម្លែកម្ល៉េះទេ មិនចេះខ្មាសគេ

មិនចេះខ្មាសគេ មក! សុំស្នេហ៍លើអាកាស

អ៊ូយ! រឿងអីត្រូវខ្មាស ស្នេហាធំណាស់

ស្នេហាធំណាស់ ធំណាស់ណាជីវ៉ា

ក្ដីស្នេហ៍ គ្មានរើសកន្លែងទេណា

លើវេហាស៍ ក៏ដូចជាលើដី

កុំឃាត់ ចិត្ត ខ្ញុំណាស្រី

ខ្ញុំមិនហ៊ាន ឃាត់ទេចិត្តស្នេហ៍ប្រុសថ្លៃ

ចំណែកចិត្តស្រី

ស្រីឃាត់ចិត្តស្រី ម្នាក់ឯងទេ!