V1

Hallo Volk, was los, was tüander aso?

Heben eu bloss fescht, etz kunt de Bündner Flow

de spüalt eu weg i segs eu, dr Rhii isch min Mentor

lönd eu vunem triiba, er kennt de Weg schu.

Mystisch verborgani Quella wo rhythmisch wogendi Wella

über z Ohr in din Körper senden, das hender doch so wella?!

Er schwemmt eu aweg und bringt eu direkt

an en wunderschöna Ort wo niamert denkt hetti, dass'n gäbt

wo hunderttusig Lüüt friedlich nebanand leben

ohni dass si Niid plogt, si sind z frieda mit sich selber

niamert wo Striit suacht, all uf dr gliicha Wellalängi

folgen em Flow mini Dama und Herra er bringt eu döt hera.

Chorus

Oh, ooooh und wenni hüt alles verlüür

Wär das ok so

Oooh, ooooh

Well wenni hüt alles verlüür

hani immerhin no min Flow, yeah

V2

Und wenni de Beat ghör, isches um mi gscheh,

de Flow keimt uf und übernimmt z Stüür und i

Flow, floating on my boat,

gently down the stream, yeah.

Und überall stönds uf, de Flow raubt na de Schnuuf

kuum z glauba, si keien grad wieder um

aber schlönd nid uf will dr Flow mit dr Gravitation

interferiart, s isch passiart, si sind flow-infiziart

und etz wippen alli Köpf ufs Kommando vum Flow

alli Händ gön ind Luft, yo bereiten eu vor

bald gohts los, miar singen d Hook unisono

ufs Kommando vum Flow, 3, 2, 1 und go!

Chorus

Bridge

I verzell eu etz no es Gheimnis vum Flow,

das isch würkli highest clearance level shit und so,

de Flow nämli de chillts nid nu bi miar,

er hängts au zwüscha dina Ohra und trinkt gad es Biar

und wenn na bruchsch denn, holsch zersch tüüf Luft und seisch

Flow, Flow Flow FlowFlow Flow

Flow trink dis Biar us, i bruch dini Hilf

Flow trink dis Biar us, i stohn kli im Schilf, yo

Flow trink dis Biar us, Flow trink dis Biar us Flow

Flow trink dis Biar us, Flow trink dis Biar us,

Flow trink dis Biar us Flow, Flow trink dis Biar us Flow

Flow trink dis Biar us Flow, Flow brich us miar us!

Chorus