Сирендәр

Иҫеңдәме, йәнем, мин бүләк иткәйнем

Хуш еҫле сирендәр бәйләмен..

Күргән һайын яҙын сирендәрҙең наҙын

Ҡайнар хистәр ҡайта әйләнеп..

Ул айлы төн ине, тирә-яҡ тын ине,

Аңҡығайны сирендәр еҫе,

Беҙҙең йөрәктәрҙә һөйөү тулы ине,

Ярҙарынан сайпылды хисе.

 

Тағы яҙ, тағы май, тағы ла тулы Ай..

Сәскәгә тулыша сирендәр,

Мин һине һөйәм ,тип, мәңгелек йәрем тип

Һаман да ҡабатлай ирендәр..

 

Йәмле май айында, сирендәр янына

Беҙ икәүләп бергә килербеҙ,

Һин миңә, мин һиңә һөйөү билгеһе тип

Сирень гөлләмәһе бирербеҙ.

Ул айлы төн ине, тирә-яҡ тын ине,

Аңҡығайны сирендәр еҫе,

Беҙҙең йөрәктәрҙә һөйөү тулы ине,

Ярҙарынан сайпылды хисе.

 

Тағы яҙ, тағы май, тағы ла тулы Ай..

Сәскәгә тулыша сирендәр,

Мин һине һөйәм ,тип, мәңгелек йәрем тип

Һаман да ҡабатлай ирендәр..

Сирень, сирень, сирень, сирендәр...