Фазыл Чишмэсе

Челтерэп аккан чишмәгә

Суга дип килгән идем шул

Тиз генә әйләнеп өйгә

Кайтармын дигән идем

 

Өздереп нигә карадың

Ник тоттың чиләгемнән шул

Суларым түгел ялкыным

Түгелде йөрәгемнән

 

Кызарып янган шәфәкътән

 Күзләрем алалмадым шул

Тибрәнде телем әйтергә

Сүзләрем табалмадым

 

Чишмәгә төшкән сукмакның

Чилтере үлән генә шул

Вәгъдәм бар сиңа белмәсен

Тик күрше-күлән генә