Ауылыңа бір келгенде

Тіршілікпен тіресіп жүргенде сен,

Көншімейді көңілім бір көрмесем,

Бар өмірім болады босқа өткендей,

Анда-санда ауылыңа бір келмесем.

Ойың, қырың, Отаның түрленгенде,

Жан-жағыңа жақұттай гүл көмгенде,

Жар салмайсың неге сен қарсы алмайсың?

Анда-санда ауылыңа бір келгенде!

Сауығып қалар ма екен сарсаң жаным?!

Сейіліп бойымдағы бар салмағым,

Анда-санда ауылыңа бір келгенде,

Алдымнан жар сал жаным, қарсы ал жаным!