Mueter gimmer es Butterbrot

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

(Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!)

Wie sind mer früener härzig gsi, so schnusig süessi Gööf

Händ Fangis und Verbannis gpielt is eusne Hinterhöf

Händ Völk gspielt und Versteckis gmacht und abzählt Zigg-Zagg-Zugg

Sie glaubeds nöd, und ich han amigs s Rädli gmacht und d Brugg!

Und zmidst im Räuber-Poli-Spiel, im Grenzball, im Fuul-Ei

Da sind mer z mal verstobe und sind im Karacho hei

Sind une dra ad Wohnigstür und händ uf d Lüüti druckt

Und händ zur Mueter ue grüeft wie verruckt:

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

(Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!)

Da letschthi häts mi gfürchig träumt vom schwiizer Militär

Mer chömid im Manöver im Geländemarsch derthär

Und alles z fuess vo Bischofszell diräkt uf Turbenthal

Vier Tag lang ohne z schlafe, ohne z ässe, s isch e Qual!

Da ändli rüeft de Chuchichef es säig sowiit, s gäb Spatz

Mer seiget mit em Nuggi aamarschiert und mit em Latz

Dä Truppenarzt heig no de Puls gnah und de Chreislauf prüeft

Mier aber heiged immer nume grüeft:

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

(Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!)

Am Sunntig znacht im Grand Hotel da häts eus übernoo

Da hät dr Chällner fascht en chline Härzchlapf überchoo

"Mier welled hüt käs Tournedos", so händ mer plötzlich g chräät

Dä Chef de Grimace hät scho grüeft "Jetzt holed d'Sanität!"

Är hät eus schnäll es Chopfwehpulver und en Schnapps serviert

Und d Gäst sind ganz verlägä gsi und ziemli indigniert

Was meinsch, wie händ die gluegt wo mier uf d Stüel uegstande sind

Und plötzli grüeft händ wie die chline Chind:

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

Mueter gimmer es Butterbrot, Butterbrot, es Butterbrot

Mueter gimmer es Butterbrot, es Butter-Butterbrot!

(Es Butter-Butter-Butter-Butter)

Es Butter-Butterbrot!