Жамгыр төктү

Жамгыр төктү, эч басылбай

Биз келаттык көл-шал болуп

Жол кароого көз ачырбай

Бет алдымдан шамал согуп

Күн күркүрөп, жамгыр төктү

Ошол күндөр кайда кетти?

Жаштыгымдай же кечээги

Кайрылбастан кете берди

Жамгыр төктү, эске түштүң

Алыс калган жаштыгымдай

Сагынтасың, жүрөктү эзип

Колдон учкан ак куумдай

Күн күркүрөп, жамгыр төктү

Ошол күндөр кайда кетти?

Жаштыгымдай же кечээги

Кайрылбастан кете берди

Жылдар учат канаттуудай

Жамгыр төгөт эч басылбай

Жамгырларда эске түшөт

Туңгуч сүйүү унутулбай

Күн күркүрөп, жамгыр төктү

Ошол күндөр кайда кетти?

Жаштыгымдай же кечээги

Кайрылбастан кете берди

Жаштыгымдай же кечээги

Кайрылбастан кете берди