اشقد طيبي الشتي

اشقد طيبي الشتي بالظهغيي

بغة بيغدي هوني شوية دافيي

بنت بغة تركض بالشمسيي

و انا هوني مدفى ببطانيي

كتلي و صوبة و شوية طحينيي

عالمحفوغة استكان بالصينيي

عالشباك كن صاغ شوية ضباب

كليجة العيد بعدها بالسغداب

بالغبيع نطلع سفرة

و اشقد طيبي الدني بغة

نرجع تعبانين على بيوتنا

و الشقيق الاحمغ يملي جيوبنا

نضحك نحكي اش كن صاغ بالسفرة

طيبي الدني كثيغ من نطلع بغة

اشقد طيبي الشتي بالظهغيي

خلصنا العمغ بالسفر

و احنا عنكم بعيد