Гомерләр Бит Бер Генә

Яшибез лә җирдә, ялгап көнне төнгә,

Ел йомгагы шулай сүтелә.

Беркем белми бер дә, күпме генә икән

Бу гомерләр безгә бирелә.

      

Калсын әйдә, калсын, бездән соң да эзләр,

Янсын әйдә йөрәк, калып көлләргә.

Килгәнбез бит жиргә, янып яшьнәр өчен,

Яшәр өчен бары, бары бер генә.

Бер генә бит гомер, барысына элгер,

Изгелекләр кыл син, соңлама.

Язмышка бәйләнеп, мең кабат әйләнеп

Кайтыр ул барасы юлыңда.

Киселсә юлларың, кителсә уйларың,

Ялгыш адым ясап ялгышма.

Бик авыр булса да, күңелең тулса да,

Көчле бул, бирешмә сагышка.