Бердәнберем Син

Кышларымда ләйсән яңгыр,

Җәйләремдә карым син.

Гомер буе сине эзләп,

Хәзер тапкан ярым син.

Күңелемдә мәңге шиңмәс

Чәчәгем син, гөлем син.

Җир йөзендә минем өчен

Бары бердәнберем син.

Карлы-яңгырлы кышларда

Мәңге үтмәс язым син.

Йөрәгемдә урын алган

Сөюем һәм назым син.

Иртә-кичен мәңге тынмас

Җырларым син, моңым син.

Гомер буе минем өчен

Янар сүнмәс нурым син.