ដណ្តឹងចិត្ត

បងធ្វើដំណើរ រាប់ម៉ឺនយោជន៍

កណ្ដែងកណ្ដោច ពីរអង្គា

បន់ព្រះឱ្យជួប តែពំងា

ឥឡូវបែរជា ទៅចោលបង

រូបខ្ញុំជាស្រី ក្រែងពុំគួរ

និយាយនឹងប្រុស ខុសទំនង

បើអ្នកចង់ឱ្យ ខ្ញុំស្នេហ៍ស្នង

លុះត្រាតែបង លើកភ្នំព្រះសុមេរុបាន

លើកភ្នំគឺលើក មុខឪម៉ែ

គុណលោកទាំងទ្វេ ធ្ងន់ហួសប្រមាណ

បងនឹងចូលស្ដី តាមលំអាន

មិនឱ្យខកប្រាណ រៀបការពេញច្បាប់

ទីមួយ អ្នកថាលើកមុខឪម៉ែ

ទីពីរ អ្នកត្រូវតែចំណាប់

បាចសមុទ្រឱ្យរីង ទើបប្រសើរគាប់

នោះទើបអូនអាច ជឿចិត្តអ្នកបាន

បាចសមុទ្រឱ្យរីង មានន័យថា

បងត្រូវស្នេហា លុះអវសាន

ធ្វើបានទាំងអស់ ណាកល្យាណ

សូមស្រីស្រស់ប្រាណ ប្រាប់ឈ្មោះបងផង

អ្នកពិតជាប្រាជ្ញ ប្រសើរគាប់

ឈ្មោះខ្ញុំជាទ្រព្យ រកមិនបានទេបង

អនាគតលោកិយ រកគ្មានតែម្ដង

ប្រុសបងរកចុះ នោះហើយឈ្មោះស្រី