Жалжалым

Ачылган гана аппак эй гүл көрсөм

Окшотуп коём өзүңө

Таалайдын таңы өңдөнүп, Жалжалым, көрүнгүм келет көзүңө

Күттүрдүң гана мени эй гүл бакта

Күүгүмгө калдым сен үчүн

Таалайдын таңы өңдөнүп, Жалжалым, жаралсаң керек мен үчүн эй

Ойлогон гана сырды эй айта албай

Аптыгып кетет жүрөгүм

Жаңсасаң боло жактырсаң, Жалжалым, канчага минтип жүрөмүн эй?

Күн-түнү гана кетпей эй эсимде

Күйүткө түштүм сен үчүн

Туткунуң болдум багындым, Жалжалым, буйругуң барбы мен үчүн эй?