Strophe1

Ha scho vieles erlebt - vieles gseh - vieles ghört •

gschlafe mit Engel - kämpft mit Dämone •

Sie händ mich gliebt - händ mich ghasst - wieso weissi nöd •

isch ok, dänn je meh ich frög, umso meh bin ich verlore •

Pre-Refrain 

Es gseht alles so gliich us - gliich us, irgendwie •

e schwarzes Meer us Zwiefel, niened Liecht •

es gseht alles so gliich us - gliich us im Visier •

mir fehlt dä Kompass für dä Wäg vor mir •

Refrain

Ich stah a dä Chrüzig ohni Düütig, welle Wäg das ich söll gah •

und was sie bedüted, die Strasse voll mit offene Frage •

Ich glaub, ich verlüür mich - kei Lüchtschrift und keis Navi zeigt dä Pfad •

zwüsched Freud und Enttüschig  - e Prüefig vor Legändä und Sage •

Strophe2

E einsami Quälle i mir frögt mich tröschtend •

was isch eigentlich mit denä passiert, wo mich mal nach äm Weg gfrögt händ? •

dä eint füehrt i d’Freiheit, dä ander is Verderbe •

eine is Paradies, dä ander i’d Höll uf Erde •

Pre-Refrain 

Es gsehnd all e so gliich us - gliich us, irgendwie •

e schwarzes Meer us Zwiefel, niened Liecht •

es gsehnd all e so gliich us - gliich us im Visier •

mir fehlt dä Kompass für dä Wäg vor mir •

Refrain

Ich stah a dä Chrüzig ohni Düütig, welle Wäg das ich söll gah •

und was sie bedüted, die Strasse voll mit offene Frage •

Ich glaub ich verlüür mich - kei Lüchtschrift und keis Navi zeigt dä Pfad •

zwüsched Freud und Enttüschig  - e Prüefig vor Legändä und Sage •

Mir stönd a dä Chrüzig ohni Düütig, welle Wäg das mir sölled gah •

und was sie bedüted, die Strasse voll mit offene Frage •

mir sind ein Teil vo dä Chrüzig - kei Lüchtschrift und keis Navi zeigt dä Pfad •

was hät das alles z bedüte? Wer stürt das? Isch d’Frag vo de Frage •

Isch d’Frag vo de Frage •

Isch d’Frag vo de Frage •

Isch d’Frag vo de Frage •

Isch d’Frag vo de Frage •