歌詞
ياهجوسي يومك اليوم مافيه انسحاب
اطلعي بي راس مشراف والمعنى يزين
ابدي بخافي معانيك لي والقاف طاب
وازهلي الباقي علي والشعر يبغى فطين
اعتصبت الراس واعطيت للحبر الخطاب
من هجوسٍ ابرقت لي بِ لخطاب المتين
يالله بحظً ينومس وفعلٍ ما يخاب
ابدي به على جبال الفَخَر وارقى وابين
نعنبو من لا تسوقه حميا بالشباب
ينثني دون ابن عمه ليا حان المحين
ارحبوا ثم ارحبوا عد همّال السحاب
عند ربعي ال حيان اهَلْ فعلٍ سمين
نثني الترحيب للضيف ودمثين الجناب
ع الشحم والبن الاشقر وعود ازرق ثمين
بسمي وبسم ال مرعي وربعي ما تغاب
ال صالح بن جميلٍ كعام المعتدين
ربعي اهل المرجله والظفر عودٍ وشاب
والصبي فينا نهار الملاقا ما يلين
من قبايل وادعه هم مطوعة الصعاب
تمّن الجاني وتنطح وجيه العايلين
اطلق حجاجك يبن عمي وشد الركاب
واحتزم ذا اليوم وغيره عسى ايامك سنين
والله اني لك حسامٍ مذرّب للرقاب
للعدا والخصم في نحرهم موسمين
وارثً من العود علمٍ يطاول لسحاب
يكرم العاني وضيفه على سمن وسمين
مشيّدٍ مجده بعروة يمينه بالطناب
وشب ضوه للمراجل من الجنب المتين
شاهرٍ بالطيب علمه على روس الهضاب
مجملٍ ربعه بفعلة يده ذرب اليمين
وخالد الي ل ارتكى للحمل شله وجاب
ثبت الناموس عنده على كف السنين
محزمٍ ما يرتخي للخوي ولا يهاب
الكبار يحلها والمصاعب له تلين
الكفو وان جاب طيبه من خواله وطاب
زاد من ربعه قرامه ومرجلةٍ ودين
Written by: خالد ال فروان, يوسف الوادعي
