بداية بدايتك

أنا بداية بدايتك .. أنا بقية حكايتك

أنا العمر اللي جايلك .. وأنا العمر اللي فايتك

مين يجي ياخد مكاني .. وانت لمين غير عشاني

دا أنا كتير من حناني .. سبتك تاخد كفايتك

أنا حب سنين كتيرة .. يا حبيبي وانت عارف

أنا الاولى والأخيرة .. مش معرفة م المعارف

أنا اللي جوايا ليك بدل الشوق الف شوق

وأنا الطيبة اللي مش هتلاقي من بعديها طيبة

ولوحدي أنا اللي ليا فيك كل الحقوق

ما أنا شريكة حياتك والصاحبة وكمان الحبيبة

أنا وبس الوحيدة .. والمعلومة الأكيدة

أنا القصص القديمة .. وأنا القصص الجديدة

أنا كلامك سكاتك ..أنا حروف اغنياتك

ومن يومي في حياتك .. أنا الجملة المفيدة