واديني اهو عايش في حالي

بقوم م النوم وافكر امتي انام بليل؟

امنت بان انا ف الفرح بختي قليل

ورب الكون جايب اخري من الايام

معود نفسي ع الوحده وبقول مواويل

واديني اهو عايش ف حالي

وع الحيط برسم واداري

وقدام الناس ببان جبروت

ف غربه وايام تقيله

وشايل ف هموم كبيره

مصاحب دخاني لجل ما اموت

برواز معاه البوم صور علي ذكريات من ماضي فات

فيه كبرت علي احزان كتير ومكفانيش حتي السكات

بزعل واتوه بين السكك ف سما وسحاب ليه مطولتهاش

انا طفل عاش جوايا مات معرفش يعمل معجزات

تعبان والحال بقي مش شغال

سواح رحال شايل ف حمول

وياليلي غريب ومفكش جمال

ليه مفكش نجوم بقي ده اسمه كلام؟

من فتره بقيت من اهل وبيت

لواحد مهموم وماعنده كلام

ولكني ساعات بسرح ف حاجات

مدرسه شنطه وتعليم وصحاب طاقه واحلام

بس بقيت عايش ف حالي

وبوصف حالي ف اغاني

بقدف وسط البحور عوام

كبرت وشابت ملامحي

ياما غلطت ي امي سامحي

قادر ربي يعينني ع الايام

بصحي وبفوق علي صوت وجع

يكسر ضلوع قلبي الحزين

ف مرايتي شايف حد غيري

وضحكته بتنزف انين

دخاني لو بيبان كتير

ده عشان يسكن خوف ووحده

ولو هنرجع ب الزمن

ازاي هنمسح خوف سنين

واديني اهو عايش ف حالي

وع الحيط برسم واداري

وقدام الناس ببان جبروت

ف غربه وايام تقيله

وشايل ف هموم كبيره

مصاحب دخاني لجل ما اموت