Nid üses Revier

(Dr Mönsch, isch am Mönsch si eiget Wouf

Und dr Wouf, isch am nöchste verwandt mitem Hung

Auso isch dr Hung, am Wouf, si eiget Mönsch)

Ref. Baze:

Wird zyt dass si zrüggschlö,

mir heis nid angers verdient

di wyte Wäuder hei scho immer euch allei ghört,

di si nid üses Revier, nid üses Revier, nei

Höchschti Zyt dass si zrüggschlö,

nei mir heis nid angers verdient

di wyte Wäuder hei scho immer euch allei ghört, di si nid üses Revier, nid üses

Fantu:

D'Chinder zieh di übere Rase im Chorb im Garte,

du lasch dini Zunge la hange derbi.

Sta mitem Kaffee ar Türe im Abeschiin,

u du grabsch a dim Loch näbem Trampolin.

Wemer Radio hei glost ufem Wäg id Ferie,

hani di gseh zucke, wemer "per favore" gschreit hei.

I weiss genau was i dir abgeit,

i ha mir das guet überleit.

Dini Dechi vou Haar, lug dä Bau wo dir gfaut!

Spring dri aute Fründ, hopp, mir fahren i Waud!

D'Wäut het meh für di parat,

as bis zum Busch vorem Keisu bim Media Markt.

Louf! Du bisch nid gmacht zum am Huus abunde si.

Du bisch e Wouf, chasch ab iz di säuber si!

Schla di mitem Stock bis winslich

u gränne weni luege wi verschwindisch.

Sta im Pyjama im Garte und Lache lut,

i erkenne dis Hüüle i der Nacht wit furt.

Gib er Frou im Bett e Kuss und si fragt "was isch?",

u i säge "aues wird guet" und lösche z'Liecht.

Ref. Baze:

Wird Zyt dass si zrüggschlö,

mir heis nid angers verdient

di wyte Wäuder hei scho immer euch allei ghört,

di si nid üses Revier, nid üses Revier, nei

Höchschti Zyt dass si zrüggschlö,

nei mir heis nid angers verdient

di wyte Wäuder hei scho immer euch allei ghört, di si nid üses Revier, nid üses

auso houdrs – houdrs – houdrs – houdrs

nume zrügghole

houdrs – houdrs – houdrs – houdrs

nume zrügghole

Baze:

Mängisch wachi zmitzt ir Nacht uf u ghöre dis Hüüle

cha nüm schlafe us Hoffnig stöngsch bi mir vor dr Türe

nüt isch meh so wis isch gsi, sit de wäg bisch

nüt isch meh so wis isch gsi, sit däm Mänti

mit voue Säck dür Tür u hinger mir nid zue ta

ab id Chuchi, us öppe erscht nachere Stund gschnaut

meinsch i heig ds Füür nid gseh i dine Ouge

wi ar Leine hesch grisse simer am See ga loufe

u natürlech hani immer wider dänkt

i sött di eifach la ga, doch es brichtmer s’Härz

iz isch ämu eine glücklech vo üs

u glich steui jede tag früsches Wasser vor Tür

du weisch wo mi findsch

gäu du weisch wo mi findsch

du weisch wo mi findsch

Greis:

S’isch meh aus nur e Mission, s’isch e Beruefig

We dr Stäcke flügt es Füür wo i dir usbricht

Aues macht sinn und denn, de chunt di Uftritt

Du weisch das um dis Läbe muesch renne u mir ne muesch bringe

Dini Schnouze verschlingt dr Fahrtwind

Zunge flatteret, Pfoote berüere dr Rase nümm

Witter ufe, wägg vo de Bärge und de Böim

Kurve wo sech entfärnt vo dr Ärdbodechrümmig

Du flügsch im Äther, u gsehsch nur mi Chopf

Mini Häng wo geng no uf d’Oberschänkle tüe chlopfe

Nume du und ig, verdammtnomau

Und das sämige, glatte, saftige Pedigree Pal

Mir ghöre zäme, egau was no aasteit

Hesch gmeint, bevor i di a däm Pfoste ha aagchettet

Hie im Gjätt uf deren einsame Raststett

U fragsch di itz, nid zu unrächt, was ächt hesch aagsteut

Ref.